Lamkal

Lamkaldaily.blogspot.com

lamkal — Fri, 12 Mar 2010 13:32:23 +0000

Engemaw avangin Lamkal website ‘wordpress.com’ hi kan update tawh rih dawn lova. “lamkaldaily.blogspot.com” ah kan update tawh thung dawn a, khawngaihin min rawn tlawh zel rawh u khai!!

Hei hi han click la i rawn lut a ni mai !!
“lamkaldaily.blogspot.com”

Tualchhung

lamkal — Tue, 09 Mar 2010 06:50:28 +0000

MHIP-in chawimawina hun hmang
Nimin khan MHIP Sub-Hqrs. Serchhip buatsaihin Hmar Veng YMA hall -ah District Bawrhsap Pu H.Darzika leh Lalkoh biki te chawimawina hun an hmang. District Bawrhsap hi India ram puma NREGS hnathawktu tha lawmman a dawn avanga chawimawiin, Makohvi hi India ram puma Badminton champion a nih avanga chawimawiin, tawlhloh puan leh tlawlhloh kar an hlan a ni.

Sipai hel kut tuarin thi
Manipur Ukrul Distric a nimin zinga helho nena inkah na ah 15th Assam Rifles constable Joseph Rothangpuia s/o R.Lungmuana New Serchhip chu a thi a, a ruang hi vawiin hian Lengpui Airport rawn thlen a ni ang a, hemi hnu hian Serchhipah lak a ni ang.

Rualbanlo school an tlawh
Nimin khan 4th Assam Rifles, Serchhipa awmte chuan Serchhipa rualbanlo school, Shalom Special school zirlaite hnenah ei tur leh an mamawh nia hriat thil chi hrang hrang an pe.

lamkal — Tue, 09 Mar 2010 06:47:14 +0000

Dodalna karah hmeichhiate tana seat 33% hauhsakna bill House-ah pharh a ni
Parliament leh State Assembly-a hmeichhiate tana seat 33% hauhsakna tur ram danpui siamthatna tur bill chu nimin khan au bengchheng karah Rajya Sabha-ah putluh a ni.
He bill dodaltu RJD leh Samajwadi member-te chu house laiah chhuak khawmin, nasa takin an aurual a, Chairman Mohammed Ansari-a aurinna mike an chhuhsak bakah a dawhkana bill copy chu pawtthlerin, a dawhkan suasam an tum bawk a. Hei vang hian inkhawm chu nizan dar 6 thleng tihtawp lailawk a ni.
Lok Sabha inkhawm pawh hemi chungchang vang bawka tum 2 tih tawp lailawk a nih hnuah nileng atan tihtawp a ni.Party lian zawng zawng deuh thaw chuan hmeichhiate tana seat hauhsakna tur bill hi an thlawp a, rorel lai Congress leh eptu pawl lian ber BJP pawhin he bill hi an thlawp a ni.
Hetih lai hian RJD leh Samajwadi Party chuan he bill duhloh entir nan pawn lam atanga Congress kaihhruai UPA sorkar an thlawpna an hnukdawk nghal bawk. Heng Party 2 te hian he bill an dodal nachhan bul ber chu ST/SC leh Hnam hnufual dang hmeichhiate tana seat 20% hauh lehchhawn an duh vang a ni.

Lawrkhawm

lamkal — Sun, 07 Mar 2010 08:07:59 +0000

PAMRA-in memorandum thehlut
Peace Accord Mizoram Returnee Association (PAMRA) chuan Inrinna lehlanga Aizawl rawn tlawhtu, Pi Sonia Gandhi hnenah memoran dum thehlutin, MNF-in peace accord kum 1986 a aziak atanga tun thlenga Mizoram muanna thliarkar a nih kum 25-na lawm tura inbuatsaih mek a nih thu leh he ni lawmna senso tum sak turin sorkar laipui an ngen a. Hemi rual hian Mizoram sorkar-in sorkar laipuia leiba a neihte pawh thaibo sak turin an ngen a. Hei bakah hian ram buai laia thi mi 424 chhungte hnenah Mizoram sorkar in Rs. nuai 1, sorkar laipuiin Rs. nuai 9 theuh pe turin an ngen bawk.

New Secretariat tiin thlak
Aizawla Secretariat leh sorkar building dang te awmna New Capital Complex tia hriat chu New Secre tariat Complex tiin a hming a thlak a ni a. Hemi chungchanga hriat tirna hi Mizoram Governor chuan tunhnai khan a ti chhuak a ni.

Kum 2012 KTP inkhawmpui Thenzawlah

lamkal — Sun, 07 Mar 2010 08:03:17 +0000

Inrinnia rorel inkhawmah nakum 2011 KTP rorel inkhawm Aizawl Bethlehem Kohhrana nghah leh kum 2012 Gen.Conference chu Thenzawla nghah an rel a. Hei baka an thil rel langsar zual zingah thu leh hlaa Mizotawng hman dik kawnga hmasawn nan KTP-in hma la se tih te, Krismas leh Kumthar vuakvet thianghlim zawka thalai ten an hman dan tur inzirtirna Mizoram pum huapin Central KTP-in buatsaih se tihte a tel a.
Kum 2011 KTP kumpuan atan ‘Thu awihna’ tih an thlang a. Kum 2010-2011 Central KTP budget atan Rs. nuai 13,81,500 an pawm bawk.

Pi Sonia Gandhi-i’n Rajiv Gandhi Sports Stadium lung phum a phum

lamkal — Sun, 07 Mar 2010 07:54:19 +0000

Serchhip 8th March 2010 : Prime Minister hlui, Rajiv Gandhi hming chawia sak tan mek, Aizawl Mualpuia Rajiv Gandhi Sports Stadium Lungphum chu Inrinni khan UPA Chairperson Sonia Gandhi chuan a phum ta.
Pi Sonia Gandhi chuan, Mizote chu boxing ah te, martial arts ah te leh thal kah ah te talent nei tha tak in ni tiin, infiamna chi dang dangah pawh Rajiv Gandhi Stadium hian an talent neihte cho chhuaktu anih ngei a beisei thu a sawi a. Rajiv Gandhi kha thalaite hmakhua veitu anih zia sawiin, Mizote pawh ngaipawimawhin, in mamawhte pawh a hre hle a ni a ti a.
He infiamna tual hian Mizoram leh India tan ropuina thar a paw chhuak ngei ang tih a beisei tlat thu sawiin, Pi Sonia Gandhi chuan, UPA sorkarin state ah leh central-ah te a thil tum a tarlante chu tih puitlin vek a tum a, NLUP pawh tih puitlin ngei a tum a ni a ti a. Mizo ram a Medical leh Profes sional Institute din tur thuah pawh ka thlawp tlat a ni a ti. Mizoram hmasawnna hi India ram hmasawnna a ni a ti.
Chief Minister Pu Lal Thanhawla pawhin thu sawiin, kum 1986 a Rajiv Gandhite chhungkua an lokal tuma Mizo thalai ten ‘world class infiammi kan neih theihna turin world class stadium min pe rawh’ tia au hla an neih kha Sonia Gandhi in ala hriat reng a rin thu a sawi a. Chuvangin he project hi Rajiv Gandhi chhanna leh kan thalaite awh em em rawn tipuitlingtu tur anih ngei a beisei thu a sawi a.
Pu Lal Thanhawla chuan a sorkar programme lian ber NLUP chu inpawh leh hmasawnna rualkhai taka kalpui te, miretheite chhanchhuahna tur anih bakah ramngaw humhalha boruak tha siamtu anih theih dawn bawk avanga central sorkar pawhin tha an tih pui thu a sawilang a. Hetah hian Pi Sonia Gandhi thlawpna kan mamawh reng dawn a ni a ti a. Chief Minister chuan kutdawh puan sin reng kan duh tawh bik loh thu sawiin, mahni intodelh hi kan thlakhlelh tawhzia leh chumi atana harsatna sutkian tur la awmte kan sutkian theih nan, nakina tanpuitu kan hin zawk theih nan tunah hian min tanpui rawh u kan ti a ni a ti bawk.

Tualchhung

lamkal — Fri, 05 Mar 2010 08:34:03 +0000

Inkhawmpui palai kal
Nizan atang khan Mamitah KTP Gen. Conference neih tan a ni a. He conference hmang tur hian Serchhip khawpui chhunga KTP Branch hrang hrang atangin palai thahnem tak an kal. Nizan thleng khan palai inziak lut mi 10000 an tling tawh a, Inkhawmpui thupuiah hian ‘Tho la i Pathian ko rawh’ tih hman a ni.

Makohvi lawmpuina hun
All India Badminton Championship tunhnaia khelh zawh taka Champion, Serchhip nula Lalkohbiki lawmpuina inkhawm chu naktuk chawhnu dar 3 hian Serchhip Bazar-ah neih a ni dawn a. Makohvi lo haw tur hi a thei apiangin Chhiahtlangah lova hmuah nise SDBA chuan a ti a ni.

Thosilen chiah mek
Tunlai hian Health Department chuan Veng hrang hrang ah malaria dona chikhat atan thosilen damdawi hmanga chiah beihpui thlak mek a ni a. Department hotute chuan malaria laka kan him theih nan chhungtinte thisolen chiah turin a ngen a ni.

Buhfai sem mek
Retailer hrang hrang kaltlangin BPL, AAY leh ration pangngai buhfai semchhuah mek a ni. Hetihlai hian Retailer thenkhat chuan buhfai hi bukna hmanga buk lova teh khawng hmang an awm nia sawi a ni.

Lawrkhawm

lamkal — Fri, 05 Mar 2010 08:31:13 +0000

Ram chhung hmun dang rualin Mizoramah a vawikhatna atan National Safety Day hman a ni

Serchhip 5th March 2010 : Nimin khan India ram hmun dang rualin Mizoramah National Safety Day hman a ni.
March ni 4 hi India ram pumah National Safety Day atan hman thin a nih angin Mizoram-ah pawh nimin khan he hun hi Labour Employment & Industrial Training Minister Pu Lalrinliana Sailo hovin ama office-ah hman a ni.
Minister Pu Lalrinliana Sailo chuan, he Ni hian a tum ber chu Company, Factory leh Industry hrang hranga hnathawktute hriselna leh himna a ni a, Mizoram-ah Industry lian leh Construction Company lian tham te awm lo mah sela hnathawktute himna leh hriselna lamah hian sorkar-in theihtawpin hma a la zel dawn a ni a ti a. India sorkar-in kut hnathawktute hi ram hnuk an ni tih hriain a ngai pawimawh tak zet a, hriselna tha leh hnathawhna hmun him an neih theihna turin hma nasa takin a la reng a ni a ti bawk.
National Safety Day hmanna-ah hian Trade Union hrang hrang aiawh leh official-te an tel a, hun kal zel turah changtlung zawka he Ni hman a nih theih nan Resolution pahnih passed a, chung chu – Kum tina National Safety day hman ziah leh Mizoram Industries neitute, Company te leh hnathawktute zingah awareness campaign a remchang anga neih te an ni.
He Ni ‘National Safety Day’ hi National Safety Council din cham zulzuiin kum 1972 atang khan kumtin hman thin a ni a, Mizoramah chuan a vawi khatna a ni.

Kamalanagar-ah lungawilohna kawng zawh
Bangladesh ram chhung Chhitagong hill tribal-te chunga tunhnaia hleilenna thleng an dem zia lantirin nimin zing khan Kamalanagar-a Chakma tlawmngai pawl hrang hrang leh political party ten kawng an zawh.
Kawng zawhtute hian an unaute chunga hleilenna thleng an dem zia lantirna thuziak chi hrang hrang kengin, an au rual bawk a. Kawng zawh a nih lai hian he khuaa dawr zawng zawngte pawh an inkhar vek a ni. Kawng zawhtute hian Prime Minister hnenah memorandum thehlutin, Chhitagong hill track-a tribal chengte himna tura hmala nghal tur leh a tul anga Bangladesh sorkar pawh dawr thuai turin an ngen a ni.
Asian for Human Right report-in a tarlan danin tribal-te chunga hleilenna hi tunhnai February thla tawp lama thleng a ni a. Chakma, Mizo, Garo leh hnam dangte chenna In 200 atanga 300 vel zet hal a ni a. Heng zingah hian dawr 7, Biak In leh Bhudist temple bakah United National Development Programme enkawl Zuma khaw 3 te pawh a tel a. Bangladesh sipaite chuan mi 6 kaphlumin, midang 25 an hliam bawk a. Mi dang thahnem tak an awmna chin hriat lovin an awm mek bawk nia sawi a ni.

Mizoram aiawha zinte lo haw
Bangladesh-North East India Trade & Investment Conclave leh Joint India-Bangladesh Trade Show February ni 25, 2010 Dhaka khaw puia Mizoram aiawha zuk kal te chu tluang takin March ni 2 khan Aizawl an lo thleng leh tawh a. Hemi tuma sawm an nih anga zuk kal te hi Trade & Commerce Minister Pu Lalrinliana Sailo, Parliamentary Secretary Pu S.Laldingliana, Trade & Commerce Secretary Pi Esther Lalruatkimi leh Trade & Commerce Director Dr.C.Lalzirliana te an ni.

Sesawng H.S lung phum
Rashtriya Madhyamik Shiksha Abhiyan (RMSA) hnuaia cheng nuai 52.12 senna tur Sesawng High School Building lungphum chu Nilaini khan Parliamentary Secre tary Pu Chawngtinthanga’n a phum a. Thu sawiin, Pu Chawngtinthanga chuan, ramin hma a sawn dawnin Education in hma a hruai a, ram a tluk chhiat dawn pawhin Education bawk chu a hmahruaitu a ni fo thin a ti.

Red ribbon road show Saiha-ah
Mizoram State AIDS control society leh Life for comprehensive development tangkawpin Saiha ah nimin khan Red ribbon road show an buatsaih a. Hetah hian zai thiam hrang hrangte an zai a ni. He road show-in a tum ber chu Mizo mipui te AIDS laka an fihlim theihna tura inhrilh hriatna leh inzirtirna a ni a. District khawpui hrang hrangah road show hi neih chhunzawm a ni ang.

Wheat chhek khawl ngah
Union Agriculture Minister Pu Sharat Pawar chuan kumin leh nakum thleng daih tur ei tur wheat lam chi chu sorkar-in a chhekkhawl tawh tih a sawi. He thu hi Mela a hawnna sawiin, Pu Pawar chuan sorkar-in wheat tam tawk tak a chhekkhawl tih a sawi a. Kum 2009-2010 chhung hian wheat thahnem tak thar a ni dawn tih sawiin, kumin chhunga wheat thar chhuah hian wheat tharchhuah lamah record thar siam beisei a ni a ti.

Tuialhthei man sang dodal
Parliament Budget session neih mekah BJP chuan sorkar-in tuialh thei man a tih san chu an dodal tlat thu an puang a. Hei hi party dang dangte pawhin an thlawp tlat tih a sawi a. Hetih lai hian March ni 8 a Rajya Sabha-a pharh tur hmei chhiate hamthatna dan ‘women reservation bill’ chu an thlawp thung hle tih a sawi bawk.

Tualchhung

lamkal — Wed, 03 Mar 2010 13:56:45 +0000

Date : 5.2.2010 :
Pu Sangzuala a boral
Nimin chawhnu dar 2 khan Pu PC.Sangzuala(82) f/o Lalrintluangi Serchhip Vengchung chu cancer avangin a boral a, lumen a nih hnu vawiin hian vui a ni ang.

Damlo in entirna khar taJewish Voices Ministries ten Serchhip a damlo a thlawna inentirna ni 3 chhung an buatsaih chu zawh fel a ni ta a. Damlo mi 3250 vel an en hman nia hriat a ni.
USA-a hmeichhe 1 in mi harsa zawkte tanpuina atan tia Jewish Voices Ministries-te a rawn thawn pawisa Rs.90,000/- chu nimin khan MUP Area Serchhip hruaitute kutah hlan a ni a. MUP-te hian an member harsa zawkte tanpui nan an hmang dawn a ni.

Khaw vawngfai lawmman hlanThawhlehni khan Serchhip main centre hnuaia Health programme hlawh tlinna tur atana thawktute intuai hriamna hun hman a ni a. CMO Dr.Malsawma chuan Faina hi kan hriselna bul a ni a, fai chu a rimtui tur a ni a ti bawk. He hunah hian Serchhip Dist. chhunga Health Deptt. thlirna atanga khawtlang vawngfai lawmman 2-na dawngtu Hriatiang VCP hnenah lawmman Rs. 5000 leh certificate hlan a ni.

Kum 5 chhunga Mizoram sum hman tur ruahman

lamkal — Wed, 03 Mar 2010 13:52:13 +0000

Ni 5.2.2010: Finance commission 13-na chuan kum 5 kal leh tura Mizoram sum hman turin Rs.vaibelchhe 8805 leh nuai 30 a ruahman.
13th Finance commission report thla hlui ni 25-a Parliament-a pharh takah chuan Mizoramin kum 5 chhunga hmasawnna hna hrang hrang a thawhna turin Rs.vaibelchhe 8805 nuai 30 ruahman a nih thu hi tarlan a ni a. Tualchhung inrelbawlna local bodies hrang hrang atan Rs.vaibelchhe 310 nuai 70, chhiat tawhna hrang hrang atan Rs.vaibelchhe 47 leh nuai 50 leh naupang zirna elementary education atan Rs.vaibelchhe 5 ruahman a ni.
Heng bakah hian Judi ciary thenhran tak tih chang tlunna atan Rs.vaibelchhe 13, voter ID thlakna tur buaipuina atan Rs.vaibelchhe 1 leh nuai 20, District innovative fund Rs.vai belchhe 8 ruahman a ni bawk.